04.11.2024
სტუმრად ვიყავით მარნეულის N1 საჯარო სკოლაში, სადაც დავესწარით შემოდგომის ზეიმს.
ზუგდიდის მეცხრე საჯარო სკოლა -ის მოსწავლეებს ჰქონდათ შესაძლებლობა მარნეულელი თანატოლებისგან მიეღოთ ინფორმაცია საქართველოში აზერბაიჯანული კულტურისა და ტრადიციების შესახებ. ასევე, განიხილეს ის გამოწვევები, რომელთა წინაშეც დგას აზერბაიჯანული თემი ჩვენს ქვეყანაში.
მსგავსი შეხვედრები მეტად მნიშვნელოვანია მრავალფეროვანი კულტურული გამოცდილების მისაღებად და ერთმანეთის უკეთ გასაგებად.
გაფორმდა ურთიერთთანამშრომლობის მემორანდუმი ჩვენსა და მარნეულის N1 საჯარო სკოლას შორის, რაც მოგვცემს მომავალი პარტნიორობის შესაძლებლობას.
.jpg)
05.11.2024 სტუმრად ნინოწმინდის მუნიციპალიტეტში
ნინოწმინდის მუნიციპალიტეტის, სოფელ როდიონოვკის სკოლის მოსწავლეებთან ერთად ვეწვიეთ სოფელ გორელოვკას - სამი განსხვავებული კულტურის, ტრადიციის და რელიგიის გადაკვეთის წერტილს.
ეს დღე გამორჩეულად მნიშვნელოვანია, რადგან მან მოგვცა შესაძლებლობა გავეცნოთ მრავალეთნიკურობისა და მრავალფეროვნების ცოცხალ მაგალითს ჩვენს ქვეყანაში, რაც ხელს უწყობს მოსწავლეებში ტოლერანტობის, ურთიერთგაგებისა და სხვების კულტურული ღირებულებების პატივისცემის ჩამოყალიბებას.
მადლობას ვუხდით მანუშაკ მკრტჩიანს როდიონოვკის სკოლის ქართული ენის მასწავლებელს, მასწავლებლის ეროვნული ჯილდოს ფინალისტს და თამარ გორგაძეს, გორელოვკის სკოლის მასწავლებელს მასპინძლობისათვის
No comments:
Post a Comment